NIFAHAMISHE Tanzania news portal .: Habari za Tanzania :.

About Us | Contact Us | Advertise in this site

Member's Login
Username
Password

Not a member? Sign Up Sign Out

Kibonge wa Dunia Apungua Kilo 127,Lakini Bado Anaongoza
Paul Mason alivyokuwa awali	Tuesday, February 02, 2010 2:06 AM Mtu mnene kuliko wote duniani amepungua kilo 127 baada ya kufanyiwa operesheni ya kuokoa maisha yake lakini bado ameendelea kutambulika kama mtu mnene kuliko wote duniani kwa kilo zake 311 zilizobaki.
Baada ya kupungua kilo 127, Mtu mnene kuliko wote duniani, Muingereza Paul Mason hivi sasa ana uzito wa kilo 311 na ameendelea kushikilia taji la unene duniani. Mason mwenye umri wa miaka 48, alitumia mwisho wa wiki kwenye kitanda cha kitengo maalumu cha hospitali baada ya kufanyiwa operesheni kubwa ya kumzuia kuendelea kunenepa na kuondolewa kwa mafuta kwenye tumbo lake. Katika operesheni hiyo tumbo la Mason lilipasuliwa na kutengenezwa kisehemu kidogo kama pochi kwaajili ya kuhifadhi chakula chake. Kwa maana hiyo chakula chake chote hivi sasa kitaenda kwenye hicho kipochi na hivyo kumfanya awe anakula kiasi kidogo sana cha chakula. Wiki iliyopita madaktari walimuingiza Mason kwenye diet ya nguvu ya kuupunguza unene wake ili aweze kuwa fiti kwaajili ya operesheni. Mason ameelezea nia yake ya kupunguza uzito wake zaidi ili aweze kuendesha gari. Mwaka 2002 kutokana na unene wa Mason, Zimamoto iliwabidi waubomoe ukuta wa chumba chake na kisha kutumia forklift ili kuweza kumbeba na kumwingiza kwenye ambulansi kumwahisha hospitali kwaajili ya operesheni ya hernia. Wakati huo alikuwa na uzito wa kilo 355, aliwaambia madaktari kuwa anataka kupunguza uzito wake lakini alianza kula sana ili kuvunja rekodi ya dunia awe mtu mnene kuliko wote duniani. Hatimaye mwaka jana alifanikiwa kuvunja rekodi hiyo kwa kufikisha uzito wa kilo 444 na kumfunika kibonge wa dunia wa wakati huo toka Mexico, Manuel Uribe ambaye aliamua kupunguza uzito wake ili aweze kumuoa mpenzi wake.

Mtumie Rafiki Yako

Comments

Add your Comment

Mtoa Maoni: Cinderella Tuesday, February 02, 2010 02:53:59

unene nao hauna maana jamani!!!!!!!!!!!!

Mtoa Maoni: TAMARIN Tuesday, February 02, 2010 09:44:59

Safi sana kibonge endelea na msosi wa nguvu ili uweke rekodi kama misri

Mtoa Maoni: NGUZO Tuesday, February 02, 2010 19:18:12

Duuh!!!!!!! kuna watu wanene duniani

Mtoa Maoni: KING Tuesday, February 02, 2010 20:04:24

C bure ni mgonjwa huyu, uzito wote huo aliupata vp? Kweli ulimwengu una vijimambo, lkn nampa hongera Bw. Mason kwa kufanikiwa ktk operation aliyofanyiwa. Cha msingi afuate maagizo ya madaktari kuboresha afya yake na kupungua uzito zaidi ili siku ndoto yake ya kuendesha gari itimie.

Mtoa Maoni: moms016 Wednesday, February 03, 2010 01:20:34

Mungu anaumba atakavyo! Penye nia pana uwezekano, iwapo kweli amekusudia kujipunguza tunamtakia mafanikio.. Ila tu kwa wadau wote mazoezi muhimu alau mara moja kwa wiki!

Jumla kuna maoni (8), Soma maoni yote

Unakaribishwa kuchangia maoni yako
Jina Lako	*

Maoni Yako	*


* Unaruhusiwa kutuma maoni yako yoyote yale. Tafadhali tumia lugha nzuri, maoni yenye kukashifu watu na yasiyofaa kwa jamii hayataruhusiwa. * * Maoni yanayotolewa hapa ni mawazo binafsi ya Mtoa Maoni Nifahamishe.com Haihusiki na maoni yatakayotolewa *