NIFAHAMISHE Tanzania news portal .: Habari za Tanzania :.

About Us | Contact Us | Advertise in this site

Member's Login
Username
Password

Not a member? Sign Up Sign Out

Mtoto wa Mwaka Mmoja Mwenye Uwezo Mkubwa wa Kuogelea
Mtoto Gibson Walker mwenye umri wa mwaka mmoja na nusu akiogelea	Wednesday, December 16, 2009 2:32 AM Mtoto Gibson Walker wa nchini Australia pamoja na kuwa na umri wa mwaka mmoja na nusu anawashangaza watu wengi kwa uwezo wake wa kuogelea kiasi cha kwamba huwashinda hata baadhi ya watu wazima.
Mtoto Gibson Walker ana umri wa miezi 18 tu lakini ana uwezo wa kuogelea na kupiga raundi nne katika bwawa la kuogelea lenye urefu wa mita 25. Akifanya mazoezi katika kituo cha mazoezi ya kuogelea cha Gulliver Coomera Swim Centre, Gibson huogelea kwa mwendo kobe wa taratibu lakini hufanikiwa kumaliza raundi nne kuzunguka bwawa la kuogelea bila kupumzika. Baba yake Gibson, Mark alisema kuwa alianza kumfundisha mwanae kuogelea tangia alipokuwa na umri wa miezi sita na ghafla alianza kupenda kuogelea. "Anajiamini sana anapoogelea kiasi cha kunifanya nisiwe na hofu yoyote", alisema baba wa mtoto huyo. Mafunzo ya kuogelea aliyopewa akiwa na umri mdogo yalimsaidia mtoto huyo kuokoa maisha yake wakati alipodondoka pembeni ya bwawa la kuogelea na kuangukia kichwa kabla ya kuangukia kwenye bwawa la kogelea. Gibson badala ya kuanza kulia kama watoto wenzake ambavyo wangefanya, aliogelea hadi kwenye ukingo wa bwawa hilo na kujitoa mwenyewe nje ya bwawa hilo ndipo akaanza kulia. Mwalimu wake wa kuogelea Terry Gulliver ana rekodi nzuri ya kuwafundisha watoto wenye umri mdogo kuogelea. Aliwahi kumfundisha mtoto wa miaka mitatu kuweza kuogelea mita 1500 bila matatizo yoyote. "Kuogelea ni mchezo muhimu sana kwa maisha yetu", alisema Gulliver. "Idadi ya watu wanaofariki kwa kuzama katika maji ingepungua kama watoto wote wangefundishwa kuogelea angalau mita chache", alimalizia kusema mwalimu huyo wa kuogelea.

Source: News Agencies

Mtumie Rafiki Yako

Comments

Add your Comment

Mtoa Maoni: Ubuguvu Wednesday, December 16, 2009 09:17:53

Vipaji kama hivi TZ vimejaa lakini vigumu kuvigundua mapema maji ya kunywa watu hawana watakua na maji ya kuchezea! KING umri kama huu tulikua tunaogeshwa ktk beseni vigumu kugundulika vipaji vyetu nampongeza huyu mzazi kumfundisha mwanae vitu vya maana na sio kunfunza mwanao kusukuma magari na mikokote na hapa wazazi wengi tunakosea mara nyingi tunawalazimisha watoto wentu wapende tunachokipenda sisi hata kama kipaji sio chake mara chache sana watoto kua na vipaji sawa na wazazi wao au sehemu anayotoka na hata akiwa nacho cha kulazimisha kama maximo na ukocha MOMS016 hata ukilazimisha uchungaji mwisho utabaka tu

Mtoa Maoni: KING Wednesday, December 16, 2009 09:38:47

Ha ha ha UBUGUVU kwa Tz labda wakajifunzie kwenye madimbwi ya barabarani, heri yetu cc tuliozaliwa kando ya mito na majosho ya ng'ombe huko bara mbizi shwaaaari kabisa labda na MOMS016 pamoja na wadau wengine wa visiwani manake huko kuionja pwani lazima, shaka yangu ni BHAI, AMANKWA, KIPARA na DE CLARKES kama waweza koga bila kuvalishwa 'tube'. Anyway, career nzuri hii kanaweza kuwa karithi ka Michael Phelps siku zijazo, inshallah!

Mtoa Maoni: DeClarkes Wednesday, December 16, 2009 10:21:35

Sina uhakika kwamba mtoto wa miezi 18 ameshapata akili kiasi cha kutambua baya na zuri. Nadhani mazingira ya kumfanya aoge ni sawa na kumpa mkono simba alambe. Ushauri wa bure, ni vizuri kwa maonyesho kuwapa mazoezi watoto wadogo hivyo lakini yakiwakuta msilie akina KING.

Mtoa Maoni: mkaliwam Wednesday, December 16, 2009 10:22:13

kweli kila mtu na kipaji chake,wabongo tunaforciwa kufanya kitu ambacho co kipaji chetu.Mtu analazimishwa kuwa daktari wakati kipaji chake ususi.unathani tutafika?

Mtoa Maoni: kadudu Wednesday, December 16, 2009 14:57:04

kweli kabisa jamani watanzania wanalazimisha vipaji kabisa maana mtoto utamjua na kipaji akiwa bado mdogo tu akiwa mkubwa basi utakuwa umeshajua anapenda nini

Jumla kuna maoni (10), Soma maoni yote

Unakaribishwa kuchangia maoni yako
Jina Lako	*

Maoni Yako	*


* Unaruhusiwa kutuma maoni yako yoyote yale. Tafadhali tumia lugha nzuri, maoni yenye kukashifu watu na yasiyofaa kwa jamii hayataruhusiwa. * * Maoni yanayotolewa hapa ni mawazo binafsi ya Mtoa Maoni Nifahamishe.com Haihusiki na maoni yatakayotolewa *